La instalado de la esperanta Thunderbird

1. Instali esperantajn arkivajn dosierojn

Krom la lingvopako estas je dispono du esperantaj programaj arkivoj por Vindozo (formato .zip) kaj Linukso (formato .tar.bz2). Ĉi tiuj arkivaj versioj enhavas la kompletan jam esperantigitan programon Thunderbird. Do vi ne bezonas aldone elŝuti ion alian. Vi nur bezonas malfermi la arkivojn kaj malpaki la dosierojn, kiujn ili enhavas. La lingvopakon vi nur tiam bezonas, kiam vi laboras kun alia operaciumo ol Vindozo aŭ Linukso, ekzemple kun la makintoŝa MacOS X. Aŭ vi jam uzas Thunderbird en la angla lingvo aŭ en via nacia lingvo kaj volas esperantigi ĉi tiun programversion.

• Malpakado de arkivo .zip en Vindozo

Elŝutinte la zip-dosieron, vi simple nur bezonas duoble alklaki la elŝutitan aktualan dosieron thunderbird-3.1.9.eo.win32.zip kaj ĝi estas aŭtomate malfermata en la programo, kiu estas kun la dosiertipo .zip. Malpaku la dosierojn en dosierujon de via elekto. Poste vi ankoraŭ devas krei simbolan ligilon sur via labortablo. Bedaŭrinde mi ankoraŭ ne povas disponigi instaleblan programversion, do vi tial devas mem krei ĉi tiun simbolan ligilon, por ke vi estonte povu komforte startigi la esperantan Thunderbird.

• Malpakado de arkivo .tar.bz2 en Linukso

En Linukso vi malpakas la arkivan dosieron en la formato .tar.bz2 en la konzolo aŭ vi uzas Linuksan pakprogramon, kiel ekz. ARK. Se vi volas malpaki el la konzolo, iru do al la dosiero, kien vi volas malpaki la arkivajn dosierojn kaj enigu jenan komandon:
tar xvjf [vojo al la arkivdosiero]/thunderbird-3.1.9.eo.linux-i686.tar.bz2. Bonvolu atenti, se vi volas malpaki la dosierojn en alian dosierujon ol la hejman dosierujon, vi bezonas la rajtojn de ĉefuzanto! Por tio vi povas enigi la komandon "su" en la konzolo aŭ vi startigas Linukson kiel ĉefuzanto. Post kiam vi malpakis la dosierojn, vi povas startigi Thunderbird per klako sur "Thunderbird" (sen dosiera sufikso!).

2. Instali esperantan lingvopakon

Instrukciojn pri la instalado de la lingvopako vi trovos sur ĉi tiu paĝo.